Usaxelo:)))

  ეს კერძი კვირას მოვამზადე, ძალიან დაძაბული ვიყავი, მეორე დღეს გიოშკას პირველად უშვებდი სკოლაში და საშინლად ვღელავდი, ამიტომ აუცილებლად მჭირდებოდა განტვირთვა. გადავწყვიტე რამე ახალი და მარტივი მომემზადებინა, ვნახე ინგრედიენტები რაც მომეპოვბეოდა სახლში და შეუდექი ექსპერიმენტს,რომელმაც ძალიან გაამართლა.კერძს სახელი ვერ მოუფიქრე ასე,რომ თვენთვის მომინდია დასახელების მოფიქრება:))

4 ადამიანისთვის

წინა მოსამზადებელი დრო 15 წუთი

მომზადების პერიოდი 35 წუთი

ინგრედიენტები:

1.საქონლის ფარში 500.გრ

2.გაყინული ბარდა 125.გრ

3.სტაფილო 2ც

4.კარტოფილი 5ც

5.ხახვი 2ც

6.ნიორი 2კბილი

7.პომიდვრის პიურე 2ს/კ

8.ზეითუნის ზეთი 1ს/კ

9.ოხრახუში 15გრ

10.საქონლის ბულიონი 1ჭ

11.კარაქი 25გრ

12.პარმეზანი 150გრ

13.მარილი, პილპილი

მომზადების წესი:

1.გავახუროთ ღუმელი  180 °C

2.მოვხარშოთ კარტოფილი

3.დავჭრათ ხახვი და ნიორი წვრილად

4.დავჭრათ სტაფილო მრგვლად

5.ტაფაზე დავასხათ ზეთი, მოვთუშოთ ხახვი, ნიორი და ფარში.

6.დავამატოთ სტაფილო, ბარდა, პომიდვრის პიურე, საქონლის ბულიონი, მარილი, პილპილი და ვაცადოთ 20 წუთი

7.მოხარშული კარტოფილი დავჭყლიტოთ, გავაკეთოთ პიურე, დავამატოთ კარაქი და პარმეზანი

8.გამოსაცხობ ფორმაში ჩავდოთ ფარში და ბოსტნეული, ზემოდან დავფაროთ კარტოფილის პიურეთი და ბოლოს მოვაყაროთ ცოტა პარმეზანი კიდევ.

9. ღუმელში გავაჩეროთ 25 წუთი.

Bon appeti!!!